Styret for Vestlandsutstillingen oppmodar kunstnarar med tilknyting til
vestlandsfylka Møre og Romsdal, Vestland og Rogaland
om å søkje utstillingsplass på Vestlandsutstillingen 2026.
Kurator er Karl Edvin Endresen.
Endresen vil på bakgrunn av innsendte søknader gjere eit utval av kunstnarar som han ønskjer å samarbeide med fram mot Vestlandsutstillingen 2026. Kurator står fritt til å velje andre verk/prosjekt frå kunstnarskapa enn dei verk som ligg ved søknaden.
Ved spørsmål kontakt utstillingsleiar Torleif Birkeland Bay:
kontakt@vestlandsutstillingen.no.
Karl Edvin Endresen (f. 1980) er kunstnar og kurator, basert i Kristiansund. Endresen er grunnleggar og dagleg leiar av Kristiansund Kunsthall, kor han har kuratert ei rekke utstillingar sidan kunsthallen opna i 2021. Han har studert ved Nordland kunst- og filmskole, Prosjektskolen, og har ein bachelorgrad og mastergrad i kunst frå Kunsthøgskolen i Oslo (KHiO).
Foto av: Daniel Westad
Vestlandsutstillingen er ei årleg turnerande utstilling sidan 1922 med verk av kunstnarar som har tilknyting til Vestlandet. Utstillinga skal vise fram samtidskunst av høg kvalitet som speglar den vestlandske kunstscena slik den føregår i lokale, nasjonale og internasjonale kontekstar ut mot resten av landet.
Som einaste kuraterte landsdelsutstilling blir søkjarar til Vestlandsutstillingen kvart år etter open utlysing vurdert av profesjonelle kuratorar eller kunstnarar. Eineste krav er at ein har ei tilknytting til Vestlandet. Det kan innebere at ein er fødd her, har vakse opp, studert eller vore permanent busett ein periode i eitt av fylka Rogaland, Vestland eller Møre og Romsdal.
