Styret for Vestlandsutstillingen oppmodar kunstnarar med tilknyting til
vestlandsfylka Møre og Romsdal, Vestland og Rogaland
til å søkje utstillingsplass på Vestlandsutstillingen 2021.
Kurator for VU21 er Heidi Bjørgan.
Det kan søkjast med inntil 3 verk/prosjekt, produsert siste 2 år.
Ved spørsmål kontakt utstillingsleiar Anneli Belsvik Aras:
kontakt@vestlandsutstillingen.no eller telefon 934 94 145 (måndagar og tysdagar kl. 09-16).
Heidi Bjørgan (f.1970) har MA i keramisk kunst, samt Skapende kuratorpraksis frå Kunsthøgskolen i Bergen. Ho har bidrege til ei fornying av diskursen knytta til kunsthandverk i norsk samanheng, både gjennom sitt arbeid som kunstnar, og gjennom si verksemd som kurator. Ho var med på å starte galleri/prosjektrommet Temp i Skottegaten i Bergen (2000-2002). Bjørgan har blant anna vore kurator for utstillingar ved Rogaland Kunstsenter, Galleri F15, Hordaland kunstsenter og Galleri Format. På KODE har ho kuratert den internasjonale utstillinga Thing Tang Trash og Signert Inger Waage. Heidi Bjørgan var også medkurator for den store mønstringa av Norsk og kinesisk kunsthandverk Beyond g(l)aze som vart vist både på Suzhou Jinji Lake Art Museum i Kina og på KODE. Bjørgan er også medkurator for utstillinga KREFTER – Dyrdal Kvasbø Tingleff på KODE (2019).
16. januar
7. februar
Sogn og Fjordane Kunstmuseum, Førde
19. februar
14. mars
Jugendstilsenteret & KUBE, Ålesund
TBA
TBA
Haugesund Billedgalleri Haugesund
TBA
TBA
Kunsthuset Kabuso Hardanger
TBA
TBA
Kunsthall Stavanger
27. august
26. september
Kunstgarasjen Bergen
Vestlandsutstillingen er ei årleg turnerande utstilling med verk av kunstnarar som har tilknyting til Vestlandet. Utstillinga skal vise fram samtidskunst av høg kvalitet som speglar den vestlandske kunstscena slik den føregår i lokale, nasjonale og internasjonale kontekstar ut mot resten av landet.
Som einaste kuraterte landsdelsutstilling blir søkjarar til Vestlandsutstillingen kvart år etter open utlysing vurdert av profesjonelle kuratorar eller kunstnarar. Einaste krav er at ein har ei tilknyting til Vestlandet. Det kan innebere at ein er fødd her, har vakse opp, studert eller vore permanent busett ein periode i eitt av fylka Rogaland, Vestland eller Møre og Romsdal.
